Guide

McChrystal domum accitus

Summus dux copiarum US-Americanarum in Afghanistania, generalis Stanley McChrystal, iussus est Vasintoniam statim redire, ut explanaret verba, quibus ipse ac sui collegae collaboratores propinquiores praesidentis USA, Barack Obama, offendant.

In symbola mox divulganda ab actis "Lapis volutabundus" (Rolling Stone), McChrystal vituperat cursum politicum Vasintonianae erga Afghanistaniam, qui cursus vitam militum Americanorum difficiliorem periculosioremque reddat. Dux exercitus Americani dicit inter alia se proditum sentire a legato (ambasciatore) USA Cabuliae, Karl Eikenberry, qui non satis actuose a suo regimine additum novi militis in zonas belli civilis Afghanici poscat. Consiliatores generalis aperiunt in eadem symbola opiniones de "parva intellegentia" vicarii praesidentis USA, Joe Bidden, at dicunt generalem McChrystal fidem iam non habere in rectitudinem sententiae de rebus Afghanis ipsius Obama. Unus collegarum generalis nuncupat James Jones, qui est summus consiliator praesidentis USA a rebus ad securitatem nationalem spectantibus, "sannionem, qui ab anno 1985 nullas novas technas didicit".

Secundum analystes rerum militarium politicarumque, McChrystal reclamitare quoque consiliis praesidentis USA a mense Iulio 2011 anni milites Americanos ex Afghanistania gradatim domum reducendos.

Symbolam intitulatam "Dux perfuga" (Runaway general) divulgatum iri a "Lapide volutabundo" proximo die Veneris. Die Martis mane generalis McChrystal iam veniam poposcit pro "errore". Addidit se plenam fidem et admirationem in praesidentem Obama habere.

Symbola eodem tempore apparet cum investigatio a peritis Congressus USA peracta, qua patet regimen Vasintoniense denos miliones dolariorum soluisse privatis "societatibus securitatis", quae societates porro magnam huius pecuniae partem tradiderint… ducibus bellatorum gregis islamistarum Al-Qaeda sicut "tributum pacis"; tali scilicet pecunia accepta duces locales bellatorum promittunt se ad tempus quoddam nullos incursus facturos in autoplaustra annonam aliasque suppeditates militibus foederis NATO vehementia.

************************
COMMENTO

Il servizio di EPHEMERIS riporta integralmente la situazione venutasi a creare in seguito alle intemperanze verbali del generale americano nei riguardi del presidente Obama e dei suoi collaboratori. Taliintemperanze sono state poi minimizzate dal gennerale, facendoil mea culpa per quanto è stato dato in pasto alla stampa nazionale e internazionale, sempre pronta a trovare motivi di crisi nei rapporti USA-Afghanistan, Obama e Karzai e così via.
Insomma la guerra non può mai essere motivi di tranquillità per nessuno, nonostante le numerose giustificazioni della presenza armata di uomini in quell’area asiatica.

Scripsit iconoclastes.blog.onet.pl - 22/06/2010 15h14