Questo sito contribuisce alla audience di

De Lelio Luttazzi obitu ephemeris latine disserit

Lelio Luttazzi, una delle figure chiave della musica e della televisione italiana dei passati decenni è deceduto nella sua amata Trieste a 87 anni. EPHEMERIS non poteva lasciare passare inosservato un evento del genere, dedicandogli un elogio funebre adeguato alla figura dell'uomo e dell'artista. Ma non poteva fare un elogio migliore di questa canzone cara la cuore di tutti gli Italiani in versione latina: Trieste mia.

HOMINES IN CONSPECTU


Lelio Luttazzi


Laelius Luttazzi

LXXXVII annos Tergesti natus, mortem Tergesti obiit Laelius Luttazzi praeclarus musicus Italicus, qui post bellum usque ad annum MCMLXX non solum in taeniis cinematographicis, radiophonia et televisificis spectaculis celeber factus est, sed ut auctor et cultor musicae ex America venientis "jazz" appellatae.

Anno MCMLXX, iniuste pharmacorum illicitorum venum datorum accusatus, omnes operas publicas deseruit et obscure vixit; recentissimis tantum annis in retibus televisificis interdum apparuit, peritiam suam mirabilem artis musicae ostendens.

Tergeste, urbs Italica apud fines orientales, ei semper cordi fuit. Si vultis, eum potestis commemorare cantiunculam hanc audientes dialecto Tergestino redacta (plerisque Italicis parum intelligibili); cuius verba Phalaeceis in linguam latinam converti.

http://italiasempre.com/verita/elcandetrieste1.htm


Iam, Tergeste vetus, remotus abs te

iam diu, urbs mihi grata, mansi: egebam

sodalis. Catulum venustum amicus

dedit, quem ediderat canis parens in

caupona: aeger humi canis manebat

maestus, me domino silens neglecto.

Scripsi epistolium canis datori

qui mox perspicue omnia explicavit.

Caudam tum canis hic solet movere

cum meri ante oculos habet lagoenam,

Tergestinus enim est et ebriosus!

Portus more operariorum ab illo

die perbibere ebriusque coepi

esse, ut mi minitetur aegritudo

atque iam properet dies supremus.

Quod pendo nihili, licet sonorae

campanae resonent! Levis mihi mors

si laetus cane natus est catellus

pergens lambere saepe vino olentem,

qui primus mihi fidus est amicus:

vitae eiusmodi sufficit mihi annus,

deinde constituant dei futura!

Caudam tum canis hic solet movere

cum meri ante oculos habet lagoenam,

Tergestinus enim est et ebriosus!


Scripsit Herimannus Novocomensis - 08/07/2010 23h05