Taras66
John Lennon sarebbe stato grande anche cantando in lingua Latina
Commemorans praeclarum musicum et suavissimum cantum…
Ante triginta annos John Lennon celeberrimus cantor, musicus, poeta Liverpool, die nono mensis Octobris anno MCMXL - New York, die octavo mensis Decembris anno MCMLXXX) a fanatico admiratore occisus est . Post sodalicium Beatlesianum, incitatus a muliere Yoko Ono, novos cantus felicissimi exitus composuerat ex quibus notissimus “Imagine”, qui pacem et fraternum amorem inter homines totius orbis celebrat. Potestne in versus Latinos converti ? Rem difficillimam temptavi, cum seriei iambicae vocis “Imaginari” obsequerer ac trimetro iambico choliambo uterer.
Convertere est rescribere: eosdem sensus recepi, quadam licentia adhibita in verbis requirendis aptis metro.
Cantum si vis audire potes :http://www.youtube.com/watch?v=-BUNzhcT7lU&feature=fvst
Imaginare
Imaginare nil beati in alto esse
Facillimum est si audere nempe vis illud
Neque inferos ullos iacere sub nobis
Tantum super nos esse caela vitamque
Imaginare a gente tota agi ad praesens
Imaginare haud esse nationem ullam
Nec arduum illud est videlicet factu
Nullamque causam qua neces necerisve
Deûmque cultum abesse, ab omnibus degi
In pace vitam imaginare toto orbe.
Es somniator dixeris mihi certe
Non unus adsum plurimi attamen mecum
Ut auspicor mox iungito ecce te nobis
Unusque mundus sic ubique erit concors.
Imaginare non adesse fortunas
At cogito num possit effici a tete
Nullam famem auri, neminem fame oppressum
Fraternitatem censeas in orbe esse
Imaginari gentem ubique tu possis
Aequalitate terram habere divisam
Es somniator dixeris mihi certe
Non unus adsum plurimi attamen mecum
Ut auspicor mox iungito ecce te nobis
Unusque mundus sic ubique erit concors.
Convertens
Scripsit Lydia Ariminensis - 10/12/2010 00h16
12 Feb 2011
10 Feb 2011
04 Feb 2011
