linguasarda
Curri Marieddu, curri, de pressi… ca cuddu disgratziau s’est furau a sa pivella tua! Ajò, movirindi! Fai atentzioni a cussu tostoinu chi ti podit spitzulai! Coita Marieddu, ajò, brinca su coloru chi fogu sercat… Papìngiu?
Curri, curri, movirindi… àrtzia a pitzus, calandi a bàsciu, brincat in cuss’arratz’ ‘e cosa chi bolat, piga totu is monedas chi arrennèscis a pigai, unu dus tres cuatru… ajò, calandi, de pressi, ca su pilloni cassadori ti stat circhendi, ca cuddu puru spìtzulat!
No Màriu, no de custa manera, tropu lentu sesi! Movirindi, calandi de cussa nui chi ti ndi benit gana mala, curri a circai sa picioca cosa tua, ajò… Bravu Màriu, bravu dearerus, pigat cussu cardolinu arrùbiu chi una fortza stravanada ti ndi torrat e coita, ajò…
Intra in cudda gruta, atura atentu, ghetadì a mari… ajò, sighi a nadai, acabussat, bessinci a fora de s’àcua! De pressi Màrieddu, de pressi, curri curri curri, avatu da tenis a cudda caluxèrtula manna e groga, ajò, movirindi movirindi movirì…
Spaciau su giogu.
Po ndi sciri de prus:
Micro-contu 10
04 Feb 2011
22 Jan 2011
22 Jan 2011
