linguasarda
Lu Cumunu d’Agghju bandiigghja un concorsu di conti, d’algumentu libbaru, scritti in li dialetti gaddhuresu e còrsu in tutti li so varietai.
Lu concorsu ha dui sizioni: una pà l’opari in gaddhuresu e l’alta pà l’òpari in corsu.
Pa dugnuna di li dui sizioni è prevista una partecipazioni a banda pa li cioani da li ottu (8) a li dizottu (18) anni, chi lu déini dichiarà pa iscrittu candu prisentani li conti. Ca non lu fazi partecipigghja a li sizioni di li manni.
L’opari prisintati ambarani di propietai di lu Cumunu d’Agghju, chi si ni po’ silvì commu meddhu credi.
Dugn’autori po’ partecipà cu una sola òpara. Chista no dei avanzà li zincu (5) cartelli e no dei superà li dodizimilia (12.000) battuti; no dei esse mai stata prisintata e primiata in alti concorsi.
Dugn’opara dei esse prisintata in una sola coppia, scritta in manèra ciara, a macchina o a computer. L’òpara no sarà filmata da l’autori e poltarà l’indirizzu e lu nummaru di telefono indrentu a un’alta busta più minori, tuttu indrentu ad una busta manna.
L’òpari deini esse spiduti a “VI° Premiu Agghju di conti Gaddhuresi e Cossi” c/o Comune di Aggius, via P.Paoli, 39 - 07020 Aggius (OT).
Li cuncurrenti di la Corsica li deini spidì a l’indirizzu di li currispundenti di lu concorsu in chidd’isula.
Deini arrià no più taldu di la dì dui di lu mesi di abbrili (02.04.2010).
Pà infulmazioni si pò ciammà lu nummaru 079/620339.
Pà dugnuna di li sizioni so stabiliti un primma, un sigundu e un telzu premiu in ogghjetti d’alti nostrana.
Vi poni esse alti sceri di premi pà meriti speciali. A tutti li cuncurrenti sarani dati attestati di partecipazioni.
Tutti li ricunuscimenti sarani dizisi da una ghjuria fulmata da Tonio Biosa, Francesco Mameli, Quintino Mossa, Andrea Muzzeddu e Franco Fresi, da palti gaddhuresa e da Jean Jaques Andreani, Christian Andreani e Noel Valli da palti còrsa.
La zirimonia di premiazioni sarà fatta inn’Agghju la dì vinticattru di lu mesi di abbrili (24.04.2010) in la sala di lu Consigliu Comunali.
Per saperne di più:
Comune di Aggius
04 Feb 2011
22 Jan 2011
22 Jan 2011
